| 於酒店業生存的方法: no1.埋堆,扮fd
去到每一個唔同既部門都重有一個領袖,而你成功得到依個人既歡心,無論有任何既出錯,都總會有人為你撐,有人幫你收收埋埋.而一個公私不分既領袖,係咪真係咁得大家歡心,咁就見仁見智啦.以我既分析就係依一類型既人,都係缺乏自信,需要擁納一啲人成日係佢地身邊,奉承佢地認同佢地,而依一類型既人,都係寂寞既人,但又怕人地知道,所以扮到好有事業心,其實咪係怕人地知道自己收左工冇地方去,淨係番屋企!!係依啲人身邊好簡單,只要奉承佢,佢話咩就話咩就已經足夠.只要佢開心,職都有得你升. no2.惡
人善被人欺.依個係鐵一般既事實,你講野大聲大啲,其他人都會驚左你啦!有野都唔敢搵你,聽到你把聲都即時彈開啦,重邊敢煩你丫!!千其唔好相信"人善天不欺",淨係歌先有得咁唱嫁咋!!如果真係人善天不欺既話,依個世界又點會咁唔公平丫?!!當你每樣野都好好好,幫人地做埋人地個份既時候,佢地唔會覺得:你真係好啦!!人地只會覺得,依個正一傻仔,有咩比佢做都得啦,咁只會愈踩愈過嫁咋,人地就咩都唔使做,自己就做到飛街.如果你夠惡,人地都唔夠膽搞你啦 no3.埋沒良心
埋沒良心都有2種說法
一.不聞不問,懶理其他人,自己做自己既野!!不問世事,不問江湖既恩怨,就算見到有唔公平既事情發生都只係冷眼旁觀,由得你地打生打死,最緊要唔好搞到佢.所有事情只做七份,唔使做到一百分,但又要岩岩合格喎,咁人地就唔會煩你,又或者施加壓力比你,點解上次做得咁好,今次唔可以更好?!!
二.為保地位,出招傷人.比蕉皮你踩,可能依啲人扮到好友善,但其實成日都篤你,係背後密謀計算,可能比人篤左都唔知丫!! |
